خذني على صدرك ولهت لحنانك=اشتقت لك والشوق طاغي وجبار
يلي وسط عيني حبيبي مكانك=تعال طفي يالغلا داخلي نار
خذني غلا وانسى زماني وزمانك=لالا يسافر وقتنا بين الاعذار
اذوب لو تلمس يميني بنانك=احس كل الكون ريضان وازهار
مابين نفحة هيلك وزعفرانك=انسى جميع الي معى دنيتي صار
لا عاش قلب(ن) ياهوى البال خانك=ولا عاش فكر(ن) ما يلبسك الاشعار
تعال عانقني ولهت لحنانك=اشتقت لك والله والشوق جبار